放幾日假, 晶晶點會唔去玩, 所以放完三日假, 好似散左咁倦....

星期五放工, 我叫左我兩個老死去我屋企挑戰馬蹄糕, 我上網睇好似好易整咁, 點知原來好難整, 我又睇錯食譜, 所以之前有一兜要作廢, 係咁比我0的FD鬧我, 不過經過三個人0既努力, 終於都整好左, 賣相麻麻地啦, 味道都OK 0既, 個人覺得煎左好食0的, 但就係因為整呢個馬蹄糕, 我個鑊報銷左, 慘, 因為好鑊難求, 想買都未必買得番, 對於一個煮飯人黎講, 冇左隻鑊等如無左隻手, 希望我可以快0的搵得番0個隻鑊就好了...

星期六我有三個朋友都係十月生日, 而我地好奈冇一齊去卡拉OK 度慶祝生日, 所以咪一行人去唱下K, 食下野囉, 旺中間NEWAY好多野食, 仲有大閘蟹, 我自己唔食, 不過我0的朋友鐘意食, 所以都好抵呀, 又有得唱K, 又有得食大閘蟹, 不過今次間房細過我上次去好多, 上次我去得三個人, 間房反而仲大過0個日十個人去, 真奇怪呢...

星期日我就去左坪洲, 本來唸住幾個人去, 點知越黎越多人, 我又帶埋晶媽去呢, 晶晶家姐一家又去埋, 連埋0的朋友大大細細成十幾個人, 其實去坪洲都唔知有咩野做架, 唸住食阿蘇個蝦多士囉, 排左成半個鐘頭隊 , 講真好好食又唔叫係, 普通啦, 不過去得冇理由唔食架嘛, 後尾唸住行上山, 點知行到一半, 見到原來上山要好多級樓梯, 真係要左我條肥命, 我唔想心臟病發, 所以最終都冇上到, 大家行下食下影下相就算囉...

之後我地唸住坐船去長洲食海鮮, 點知班船好晏先有, 所以我地就算LA, 老遠走左去堔水埗萬發度食海鮮, 我其實唔食海鮮0既, 不過佢地鐘意食咪得囉, 我份人咁鬼偏食, 如果就我食野, 真係咩都唔洗食啦...

之後星期一唸住抖下, 但家姐同姐夫想去睇戲, 所以就留左兩隻馬蹓比我睇, 嘩, 睇一陣都倦到死呀, 可能之前又玩左兩日啦, 細佬賢雖然好得意, 但佢真係好似一隻馬蹓, 冇時停, 越叫越走, 我都唔明晶媽平時點揍佢啦, 之後好不容易等到晶晶家姐接番佢地, 到夜晚我又要幫彈彈補習, 真係忙到暈呀....